Psa 93 | CebAPD | STEP | Hari ka, Ginoo ! Ang imong harianong bisti mao ang imong pagkagamhanan ug pagkahalangdon. Gipahimutang mo nga lig-on ang kalibotan ug dili kini matarog.

Psalms 93

Ang Dios Atong Hari

1 Hari ka, Ginoo! Ang imong harianong bisti mao ang imong pagkagamhanan ug pagkahalangdon.
Gipahimutang mo nga lig-on ang kalibotan ug dili kini matarog.
2 Hari ka na sukad pa sa sinugdan,
kay anaa ka na sukad pa kaniadto.
3 Nagadaguok ang suba, Ginoo,
ug nagadahunog ang bul-og niini.
4 Apan mas gamhanan ka, Ginoo nga anaa sa langit, kaysa dinahunog sa dagat;
mas gamhanan ka kaysa mga balod niini.
5 Ginoo, ang imong mga sugo kasaligan gayod.
Ug ang imong templo balaan sa walay kataposan.